БАЛАЛАРҒА БАЗАРЛЫҚ
1 маусым – Халықаралық балаларды қорғау күнінде мектеп оқушыларына керемет көңіл-күй сыйлаған іс-шара өтті. №3 Алға қазақ орта мектебіне, №4 Алға орта мектебіне аудан әкімдігінің қолдауымен каркасты бассейн пайдалануға берілді. Айта кетейік, аталған шараның мақсаты – жаз мезгілінде балалардың қауіпсіздігін сақтау, суға кету қаупін сейілту. Каркасты бассейнге арнайы жауапты маман бекітілген. Жазғы лагерьге қатысушы балаларға мамандар жүзуді, су ішіндегі волейбол спорт түрін ойнауды үйретеді.
***
Мереке күні ерекше балалар да назардан тыс қалмады. Алға аудандық мүгедектер қоғамының төрағасы Рыскүл Мыңбаева бар мейіріміміз балаларға деген ниетпен Бестамақ, Есет батыр, Тамды ауылындағы ерекше балаларға қуаныш сыйлады.
-
- Әр бала бақытты болуға лайықты. Бүгінгі ата-аналар мен балалардың қуанышын көріп мәз
- болып тұрмын. Қоғамда ерекше балалар мен көпбалалы отбасылар назардан тыс қалмауы тиіс деп ойлаймын. Барлық балаларды мерекемен құттықтаймын, — деді Рыскүл Мыңбаева.
Тұғыры биік еліміздің ертеңі бүгінгісінен де кемел болуы рухы асқақ, өресі биік білімді де талантты ұрпақ қолында. Аз да болса үлкеннің назарын өзіне аударған балдырғандарымыздың риясыз күлкісіне бөлене берейік.
Мәншүк САПАРОВА