02:08, 24 Қыркүйек 2025 | GMT +5

Қасым-Жомарт Тоқаев Франция Президентімен кездесу өткізді

НЬЮ-ЙОРК. KAZINFORM — Қасым-Жомарт Тоқаев Эмманюэль Макронмен екіжақты ынтымақтастықтың жай-күйін талқылады, деп хабарлайды Ақорданың баспасөз қызметі.

Фото: Ақорда
Мемлекет басшысы Франция еліміздің Еуропа Одағындағы басты әрі сенімді серіктесі саналатынын атап өтті.

Президенттер осыған дейін жоғары деңгейде қол жеткізілген уағдаластықтар түрлі салада, соның ішінде энергетика, көлік-логистика, ауыл шаруашылығы, денсаулық сақтау бағыттарында айтарлықтай табысты іске асырылып жатқанына тоқталды.

Фото: Ақорда
Мәдени-гуманитарлық байланыстар жемісті дамып келеді. Қазақстан мен Франция президенттері өзекті геосаяси мәселелер жөнінде пікір алмасты.

Айта кетейік, Ақорданың баспасөз қызметі Мемлекет басшысы Қасым-Жомарт Тоқаевтың БҰҰ Бас Ассамблеясының 80-ші сессиясындағы Жалпы дебатта сөйлеген сөзінің толық нұсқасын жариялады.

Бұдан бұрын Президент БҰҰ-ны жаңғыртуды көздейтін батыл әрекет Қауіпсіздік кеңесін реформалаудан басталуы тиіс екенін айтты.

Тегтер:
Қазақстан Президенті
Нью-Йорк
Қасым-Жомарт Тоқаев
Макрон
АҚШ
Қазақстанның халықаралық қызметі. Сыртқы саясат
Франция
Ақорда

https://kaz.inform.kz/news/kasim-zhomart-tokaev-frantsiya-prezidentmen-kezdesu-otkzd-958236/