Мемлекет басшысы энергетика саласы қызметкерлерін кәсіби мерекесімен құттықтады
АСТАНА. KAZINFORM — Ақордада өткен салтанатты жиында Қасым-Жомарт Тоқаев биыл Жұмысшы мамандықтары жылы аясында еңбек адамдарына ерекше құрмет көрсетіліп жатқанын атап өтіп, энергетика саласы мамандарын кәсіби мерекесімен құттықтады. Бұл туралы Ақорданың баспасөз қызметі хабарлады.

Фото: Ақорда
– Энергетика саласы – еліміз үшін стратегиялық маңызы бар сала. Тұрақты қуат көзі болмаса, қуатты мемлекет құру мүмкін емес. Энергетика саласында қызмет ету – еліміздің дамуына үлес қосу деген сөз. Себебі сіздер атқарып жатқан жұмыстың игілігін еліміздегі әр отбасы, әр адам көреді. Әрбір үйге жарық пен жылу беру – жауапкершілігі зор жұмыс. Қажырлы еңбектеріңіз үшін баршаңызға шынайы ризашылығымды білдіремін, – деді Президент.

Айта кетейік, Бозымбаев Азия даму банкімен су және энергетика саласындағы жобаларды пысықтады.

Тегтер:
Қасым-Жомарт Тоқаев
Энергетика
Құттықтау
Ақорда

https://kaz.inform.kz/news/memleket-basshisi-energetika-salasi-kizmetkerlern-kasbi-merekesmen-kuttiktadi-2f91ff/