«Наурызнама» тұжырымдамасы бойынша 14 наурыз — Көрісу күніне орай Алға қаласының орталық көшесінен бастау алған шеру ұлттық салт-дәстүрлерімізді дәріптейтін мерекелік шараға ұласты. Қала халқына ерекше мерекелік көңіл-күй сыйлаған аталмыш шарада бірнеше мекеме ұжымдары, оның ішінде жұмысшы мамандық иелері де жарасымды ұлттық киімдерін киіп шеруге қатысты. Киіз үй тігіліп, оның іші көздің жауын алатындай әсем көрмемен жасақталды. Аудандық мәдениет үйінің өнерпаздары өнерлерін көрсетіп, тәлім-тәрбиелік мәні зор термелер шырқады. Мәз-мейрам болған халық бір-бірімен көрісіп, амандық сұрасып, көңілді әннің ырғағына кимешек киген әжелеріміз биледі. Мерекелеік шарада халыққа ыстық бауырсақ пен Наурыз көже ұсынылды. Жылулық пен мейірімділікк толы мереке барша халқымызға тек жақсылық ала келсін. Еліміз аман, бейбітшілік заман болсын!
Марал Жалғасқызы