Бәсекелестікті қорғау заңнамасының сақталуын бақылау — әділ нарықтың кепілі
Қазақстан Республикасында әділ және ашық нарықты қамтамасыз ету — елдің экономикалық дамуының маңызды факторы. Осы мақсатта бәсекелестікті қорғау заңнамасы бойынша ҚР «Кәсіпкерлік кодексі» қабылданған. Бұл заңдар нарықтағы жосықсыз бәсекелестікті шектеуге, кәсіпкерлердің тең мүмкіндіктерін сақтауға бағытталған
ҚР Бәсекелестікті қорғау және дамыту агенттігінің Ақтөбе облысы бойынша департаменті осы заңнаманың сақталуын қадағалайды. Олар нарықтағы заң бұзушылықтарды анықтап, тиісті шаралар қолдану арқылы әділ бәсекелестікті қамтамасыз етеді. Егер қандай да бір нарық субъектісі заң талаптарын бұзса — мысалы, монополиялық үстемдік орнатуға тырысса немесе бәсекелестікті шектейтін келісімдерге барған болса — Департамент дереу араласады.
Заң бұзушылықтар анықталған жағдайда, Департамент бұл әрекеттердің жолын кеседі, және бұзушыларға қатысты әкімшілік жауапкершілік қолданылуы мүмкін.
Сонымен қатар, Департамент кәсіпкерлер мен азаматтарды заң талаптары туралы ақпараттандырып, нарықтағы заңсыз әрекеттерге қатысты шағымдарды қабылдайды. Бұл — әділ бәсекелестікті дамытудағы маңызды қадам.
Егер сіз нарықта заң бұзушылыққа кезіксеңіз, немесе әділ емес бәсекелестікке тап болсаңыз, Бәсекелестікті қорғау департаментіне хабарласыңыз. Сіздің шағымыңыз әділетті нарықтың қалыптасуына ықпал етеді!
Мекен-жайымыз: Ақтөбе қаласы, Астана ауданы, Абай даңғылы 17, байланыс телефоны: 8 (7132) 549243.
Ж.Бернияз,
Қазақстан Республикасы Бәсекелестікті қорғау
және дамыту агенттігінің Ақтөбе облысы бойынша
департаментінің тергеп-тексеру бөлімінің бас маманы