Қан қысымы – үндемей жететін қауіп

25

ҚАН ҚЫСЫМЫ- ҮНДЕМЕЙ ЖЕТЕТІН ҚАУІП

Халық денсаулығын сақтау — біздің басты мақсатымыз

Қазіргі таңда әлемде ең кең таралған аурулардың бірі – артериялық гипертония, яғни қан қысымының жоғарылауы. Дүниежүзілік денсаулық сақтау ұйымының деректеріне сүйенсек, әрбір үшінші ересек адамда қан қысымының тұрақты жоғарылауы байқалады. Өкінішке орай, бұл ауру көп жағдайда ұзақ уақыт бойы белгісіз өтіп, кеш анықталады.

        Қан қысымы неге қауіпті?

        Қан қысымының жоғары болуы:

  • Инсульт
  • Жүрек талмасы (инфаркт)
  • Бүйрек жеткіліксіздігі
  • Көру қабілетінің төмендеуі сияқты ауыр асқынуларға әкелуі мүмкін.

        Белгілері:

    Гипертония кейде ешбір белгісіз өтеді, бірақ жиі:

  • Бас ауруы
  • Құлақтың шулауы
  • Бас айналу
  • Жүректің қатты соғуы
  • Тез шаршағыштық секілді белгілер байқалады.

         Аурухана не істеп жатыр?

    Алға аудандық ауруханасы тұрғындардың арасында қан қысымы ауруларының алдын алу, ерте анықтау және емдеу бағытында белсенді жұмыс жүргізуде:

  • Тегін скринингтік тексерулер;
  • Салауатты өмір салты бойынша кеңестер;
  • Қан қысымын бақылау күндері;
  • Арнайы ақпараттық парақшалар мен дәрістер;
  • Қан қысымы бар науқастар үшін жеке бақылау карталары жүргізіледі.

          Әр азамат не істеуі керек?

  • Қан қысымын аптасына кемінде 1–2 рет тексеріп тұру;
  • Тұзды, майлы тағамдарды азайту;
  • Артық салмақтан арылу;
  • Стрессті басқару, жеткілікті ұйқы;
  • Физикалық белсенділікті арттыру (күніне 30 минуттық серуен жеткілікті);
  • Дәрігер тағайындаған дәрілерді уақтылы қабылдау.

         Қорытынды:

Қан қысымы – назарсыз қалдыруға болмайтын үнсіз жау. Уақтылы тексеріліп, алдын алсаңыз, өміріңізді ұзарта аласыз. Алға аудандық ауруханасы тұрғындарды өз денсаулығына жауапкершілікпен қарауға шақырады. Денсаулық – өз қолыңызда. Қысымыңызды тексеріңіз – өміріңізді сақтаңыз!

Алға аудандық ауруханасы