Ақайға апарар жол: қауіпсіздік шаралары күшейтілді
Ақай ауылына кіреберіс 13 шақырымдық жол бойында тұрғындар мен қонақтардың қозғалысын қауіпсіз ету мақсатында 12 жаңа жол белгісі орнатылды. Бұл шара жүргізушілерге бағыт-бағдар беріп қана қоймай, жол-көлік оқиғаларының алдын алуға көмектеседі.
Жобаны жүзеге асырған мердігер ЖК «Аслан-С» өкілдерінің айтуынша, жалпы жоба құны 250 мың теңгені құрады. Жолдың аудандық маңызы бар автомобиль жолына жатуына байланысты, бұл шығын аудандық бюджет есебінен қаржыландырылды. Белгілерді орнату барысында жолдағы қауіпсіздік стандарттарына басымдық беріліп, оларды тиімді әрі көрнекі жерлерге орналастыру көзделді.
Ауыл тұрғындары үшін мұндай қауіпсіздік белгілері жаңалық болып отыр, себебі бұрын белгісіз аймақтардағы көлік қозғалысы кейде ауыл маңында қиындықтар туғызатын еді. Енді жүргізушілер жол ережелерін бұзбай, бағыт-бағдарды оңай бақылап, қауіпсіздік талаптарына сай қозғала алады.
Тұрғындар бұл жаңашылдықты оң қабылдап, ауылды қауіпсіздікпен қамтамасыз ету шараларын құптап отыр.
Гүлім КЕНЕШОВА